येशील कधी भेटशील कधी
हरवशील कधी मज मिठीत..
श्वासात तुझ्या मी हरवतो
कधी हरवतो तुझ्या नजरेत...
हरवतो कधी स्पर्शात तुझ्या
कधी हरवतो तुझ्या स्वप्नात..
कधी केसांच्या लटा तुझ्या
चेहर्यावरी रुळणार्या...
कधी आठवती ओठ तुझे
कधी अंगुळ्या त्या थरथरणार्या..
पाहतो तुला कधी निरखून मी
अन् हरवतो मग क्षणात
कधी गुंततो तुझ्या असण्यात कधी..
कधी हरवतो तू नसण्यात...
कोणत्याही टिप्पण्या नाहीत:
टिप्पणी पोस्ट करा