"सखे, येशील ना तू?"

सखे, जन्म दिला होता तुला..
तोही उलटून गेलाय..
मी तिथेच उभा आहे..
अगदी तिथेच...
तो चंद्र बघ... विचारतोय हजारदा...
"कधीवर थांबणारेस...? किती वाट पाहणारेस?"
सर्व तारका एक एक दिवस साथ देऊन
आता संपून गेल्यात...
मला इथेच उभा पाहून
त्याही आता थकून गेल्यात..
पाउस, वारा तो सूर्य
सारे आता मला पुरता ओळखू लागलेत..
मला इथून हलवायचा प्रयत्न करून
तेही आता कंटाळून गेलेत..
मी मात्र तुझीच वाट पाहतोय..
तू येशील या विश्वासाने...
पुन्हा एकदा मला भेटशील...
डोळे भरून पाहीन मी तुला..
मन भरून गप्पा मारीन...
मगच कदाचित मी हलू शकेन इथून..
"सखे, येशील ना तू?"