एक मुलगी... आपल्या भावी जीवनसख्याबद्दल असाच काहीसा विचार करत असेल... नाही का?

तुझीच स्वप्ने पाहत होते,
तुझ्याच विचारात मी गुंग होते..
मज स्वप्निच्या राजकुमारा,
वाट तुझीच मी पाहत होते..

कसा असशील तू... कसा दिसशील तू...
भेटशील तेव्हा काय बोलशील तू..
कित्येक आहेत प्रश्न मनी माझ्या...
त्यांना उत्तर काय देशील तू...

आलास तू सामोरा जेव्हा..
वाटले स्वप्न पूर्तता झाली..
इच्छा माझिया मनातलीच
मूर्ती होऊनि समोर आली..